എടച്ചേരി: സമസ്ത കേരള ജംഇയ്യത്തുല്‍ മുഅല്ലിമീന്‍ സംസ്ഥാന സെക്രട്ടറിയും ജില്ലാ പ്രസിഡന്റുമായിരുന്ന കെ.സി അഹമ്മദ്കുട്ടി മൗലവിയുടെ അനുസ്മരണം സംഘടിപ്പിച്ചു. ചെറുമോത്ത് നൂറുല്‍ ഇസ്‌ലാം സെക്കണ്ടറി മദ്‌റസയില്‍ മൂന്ന് പതിറ്റാണ്ടുകാലം സദര്‍ മുഅല്ലിമായിരുന്നു കെ.സി ഉസ്താദ്. മദ്‌റസാ കമ്മിറ്റി സംഘടിപ്പിച്ച അനുസ്മരണ യോഗം സമസ്ത നാദാപുരം മണ്ഡലം ജനറല്‍ സെക്രട്ടറി ടി.വി.സി സമദ് ഫൈസി ഉദ്ഘാടനം ചെയ്തു. മദ്‌റസാ കമ്മിറ്റി പ്രസിഡന്റ് എം.വി അബൂബക്കര്‍ ഹാജി അധ്യക്ഷനായി.
ഇ കുഞ്ഞബ്ദുല്ല മാസ്റ്റര്‍ കെ.സി അനുസ്മരണ പ്രഭാഷണം നടത്തി. സദര്‍ മുഅല്ലിം അസീസ് ഫൈസി, ടി.സി സുബൈര്‍, കേരി അമ്മദ് ഹാജി, പി.കെ സുബൈര്‍, മഹമൂദ് വി.കെ, ലിയാഖത്ത് അലി കെ, ടി.എം.വി ഹമീദ്, സി.കെ അബൂട്ടി, സി.കെ അമ്മത് ഹാജി, സി.സി. ജാതിയേരി, സി.കെ.ഉസ്മാന്‍ ഹാജി, അഹമ്മദ് ബാഖവി ജാതിയേരി, യൂസുഫ് മൗലവി, അബ്ദുല്‍ ഗഫൂര്‍ ഫൈസി ഓമശ്ശേരി, മുനീര്‍ പുറമേരി, അസീസ് ഫൈസി കുയിതേരി ,ഖാലിദ് മാസ്റ്റര്‍ സംസാരിച്ചു.