കോഴിക്കോട്: മുഖ്യമന്ത്രി പിണറായി വിജയന്‍ ഇന്ന് കോഴിക്കോട് നഗരത്തിലെത്തും. രാവിലെ 11ന് കോഴിക്കോട് കോര്‍പറേഷന്റെ ആഭിമുഖ്യത്തില്‍ കൗണ്‍സില്‍ ഹാളില്‍ സ്വീകരണം നല്‍കും. ഉച്ചയ്ക്ക് ശേഷം മൂന്നിന് സിവില്‍ സ്റ്റേഷനില്‍ പി.എസ്.സി ഓണ്‍ലൈന്‍ കേന്ദ്രത്തിന്റെ ഉദ്ഘാടനം നിര്‍വഹിക്കും. നാലിന്  താജ് ഗേറ്റ്‌വേയില്‍ കോഴിക്കോട് പൗരാവലിയുടെ സ്വീകരണത്തില്‍ പങ്കെടുക്കും. 5.30ന് കടപ്പുറത്ത് നടക്കുന്ന സി.ഐ.ടി.യു ജില്ലാ സമ്മേളന റാലിയും പൊതുസമ്മേളനവും ഉദ്ഘാടനം ചെയ്യും.