കോഴിക്കോട്: മടവൂര്‍ ജാമിഅഃ അശ്അരിയ്യയില്‍ തഖസ്സുസ് കോഴ്‌സിന് തുടക്കമായി. പിന്‍സിപ്പല്‍ സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ ഉദ്ഘാടനം ചെയ്തു. ചടങ്ങില്‍ സമസ്ത മുശാവറ അംഗം വാവാട് കുഞ്ഞിക്കോയ മുസ്‌ലിയാര്‍ അധ്യക്ഷനായി. കോഴിക്കോട് ഖാസി സയ്യിദ് മുഹമ്മദ് കോയ തങ്ങള്‍ ജമലുല്ലൈലി മുഖ്യാതിഥിയായിരുന്നു. അബൂബക്കര്‍ ഫൈസി മലയമ്മ കോഴ്‌സ് പരിചയപ്പെടുത്തി.
സമസ്ത മുശാവറ അംഗം ഉമര്‍ ഫൈസി മുക്കം, സമസ്ത കൊടുവള്ളി മണ്ഡലം പ്രസിഡന്റ് എന്‍. അബ്ദുല്ല മുസ്‌ലിയാര്‍, യു.കെ അബ്ദുല്‍ ലത്തീഫ് മൗലവി, വൈസ് പ്രിന്‍സിപ്പല്‍ ഇ. അഹമ്മദ് കുട്ടി ഫൈസി, ടി.പി.സി മുഹമ്മദ് കോയ ഫൈസി, നാസര്‍ ഫൈസി കൂടത്തായി, കെ. അബ്ദുല്‍ ബാരി ബാഖവി, സ്വാലിഹ് ഹുദവി വളാഞ്ചേരി, വി.എ മോയിമോന്‍ ഹാജി മുക്കം, സയ്യിദ് ഹബീബ് തങ്ങള്‍ അശ്അരി പട്ടിക്കാട്, റാഷിദ് അശ്അരി നാദാപുരം, മുഹമ്മദലി അശ്അരി സംസാരിച്ചു. ജാമിഅഃ അശ്അരിയ്യ പ്രസിഡന്റ് മൂത്താട്ട് അബ്ദുറഹ്മാന്‍ മാസ്റ്റര്‍ സ്വാഗതവും ഫൈസല്‍ ഫൈസി മടവൂര്‍ നന്ദിയും പറഞ്ഞു.