എടവണ്ണപ്പാറ:  വാഴക്കാട് കോളജ് ഓഫ് അപ്ലൈഡ് സയന്‍സ് എന്‍.എസ്.എസ് യൂണിറ്റും ടെക്‌നിക്കല്‍ ഹയര്‍സെക്കന്‍ഡറി സ്‌കൂള്‍ എന്‍.എസ്.എസ് യൂണിറ്റും സംയുക്തമായി  സംഘടിപ്പിക്കുന്ന ജൈവ നെല്‍കൃഷി ഉദ്ഘാടനം കൊണ്ടോട്ടി ബ്ലോക്ക് പഞ്ചായത്ത് പ്രസിഡന്റ് പി.എ നസീറ ടീച്ചര്‍ നിര്‍വഹിച്ചു.
ഒന്നര ഏക്കര്‍ വയലിലാണ് കൃഷിയിറക്കുന്നത്. കോളജ് പ്രിന്‍സിപ്പല്‍ സജീവ് കുമാര്‍ അധ്യക്ഷനായി. വാഴക്കാട് പഞ്ചായത്ത് പ്രസിഡന്റ് ഹാജറുമ്മ ടീച്ചര്‍, വൈസ് പ്രസിഡന്റ്് ജൈസല്‍ എളമരം, ബ്ലോക്ക് പഞ്ചായത്തംഗം ഫാത്തിമ മണ്ണറോട്ട് , പഞ്ചായത്തംഗം സുഹ്‌റ അബ്ദുള്ള, കൃഷി ഓഫീസര്‍ അഞ്ജലി, അബ്ദുല്‍ ശുക്കൂര്‍ വെട്ടത്തൂര്‍, എന്‍.എസ്.എസ് കോഡിനേറ്റര്‍ ആദര്‍ശ്, ഹയര്‍സെക്കന്‍ഡറി സ്‌കൂള്‍ പ്രിന്‍സിപ്പല്‍ ബിജോയ് കുമാര്‍, അബ്ദുല്‍ റഷീദ്, അലി അക്ബര്‍, പി.വി ജാസിര്‍, കബീര്‍, ശാഹുല്‍ അമീന്‍ സംസാരിച്ചു.