താമരശ്ശേരി: തെരഞ്ഞെടുപ്പുമായി ബന്ധപ്പെട്ട് പരിശോധന നടത്തുന്ന ഫ്‌ളെയിങ് സ്‌ക്വാഡ് സ്ത്രീയോട് അപമര്യാദയായി പെരുമാറിയതായി പരാതി. കൈതപൊയില്‍ കൊട്ടച്ചാലില്‍ അബ്ദുല്‍ബാരിയുടെ ഭാര്യയും മകനും ബന്ധുവീട്ടില്‍ നിന്ന് കാറില്‍ വരുന്ന വഴിയില്‍ വെസ്റ്റ് കൈതപൊയിലില്‍ കുരിശു പള്ളിക്കു സമീപത്തു വച്ചാണ് സംഭവം. എന്നാല്‍ അപമര്യാദയായി പെരുമാറിയ ഉദ്യോഗസ്ഥര്‍ക്കെതിരേ പരാതിയെടുക്കുന്നതിന് പകരം കാറിലുണ്ടായിരുന്ന അബ്ദുല്‍ബാരിയുടെ മകന്‍ ശുഐബുദ്ദീന്റെ പേരില്‍ കേസെടുക്കുകയായിരുന്നു.