കരുളായി: കേരളാ സര്‍ക്കാര്‍ ഹോമിയോപ്പതി വകുപ്പ് ദേശീയ ആയുഷ്മിഷനുമായി സഹകരിച്ചു സമഗ്രാരോഗ്യ വിദ്യാഭ്യാസ ബോധവത്കരണ പരിപാടിയുടെ പൈലറ്റ് പ്രൊജക്ടുകള്‍ക്ക് മൂത്തേടം ഗവ. ഹയര്‍ സെക്കന്‍ഡറി സ്‌കൂളില്‍ തുടക്കമായി. ആയുര്‍വേദ യോഗ യൂനാനി സിദ്ധ ഹോമിയോ വകുപ്പുകളെ സംയോജിപ്പിച്ചാണ് ദേശീയ ആയുഷ്മിഷന് രൂപം നല്‍കിയത്.
മൂത്തേടം ഹോമിയോ മെഡിക്കല്‍ ഓഫിസര്‍ ഡോ. ഷബ്‌ന അനീഷിന്റെ നേതൃത്വത്തിലാണ് സ്‌കൂളില്‍ പദ്ധതി നടപ്പാക്കുന്നത്. ഉദ്ഘാടനം നിലമ്പൂര്‍ ബ്ലോക്ക് പഞ്ചായത്ത് പ്രസിഡന്റ് പി.പി സുഗതന്‍ നിര്‍വഹിച്ചു. ഗ്രാമപഞ്ചായത്ത് പ്രസിഡന്റ് സി.ടി രാധാമണി അധ്യക്ഷയായി. ജില്ലാ മെഡിക്കല്‍ ഓഫിസര്‍(ഹോമിയോ) ഡോ. റെജി കുഴിയേലില്‍ മുഖ്യപ്രഭാഷണം നടത്തി.
ജില്ലാ പഞ്ചായത്തംഗം സെറീന മുഹമ്മദാലി, പഞ്ചായത്ത് വൈസ് പ്രസിഡന്റ് എ.ടി റെജി, ബ്ലോക്ക് പഞ്ചായത്ത് അംഗങ്ങളായ കെ.ടി കുഞ്ഞാന്‍, ഇല്‍മ്മുന്നീസ്, എം മുഹമ്മദ്ക്കുട്ടി, റഷീദ് തങ്ങള്‍, പ്രധാനാധ്യപിക കെ ഉഷ, പ്രിന്‍സിപ്പല്‍ എല്‍.വൈ സുജ, ഡോ.വിനു കൃഷ്ണന്‍, ഡോ. എ.പി അബ്ദുള്ളക്കുട്ടി, സീനിയര്‍ സിവില്‍ പൊലിസ് ഓഫിസര്‍ ഫിലിപ്പ് മമ്പാട് ക്ലാസെടുത്തു.