ബംഗളുരു: ഐ.എസ്.ആര്‍.ഒ യുടെ വാര്‍ത്തവിനിമയ ഉപഗ്രഹമായ ജിസാറ്റ്–18 വിജയകരമായി വിക്ഷേപിച്ചു. ഇന്ത്യന്‍ സമയം വ്യാഴാഴ്ച പുലര്‍ച്ചെ 2.15നും 3.15നും ഇടയില്‍ ഫ്രഞ്ച് ഗയാനയിലെ കൗറോവില്‍നിന്നു യൂറോപ്യന്‍ ഉപഗ്രഹവിക്ഷേപണ വാഹിനിയായ ഏരിയാന്‍. 5 റോക്കറ്റ് ഉപയോഗിച്ചാണ് ഉപഗ്രഹത്തെ ഭ്രമണപഥത്തിലെത്തിച്ചത്.

ഒക്ടോബര്‍ 5 ന് നടത്താനിരുന്ന വിക്ഷേപണം മോശം കാലാവസ്ഥയെ തുടര്‍ന്ന് 24 മണിക്കൂര്‍ വൈകി ഇന്നു നടത്തുകയായിരുന്നു. ഐഎസ്ആര്‍ഒയുടെ 14–ാം വാര്‍ത്തവിനിമയ ഉപഗ്രഹമാണ് ജിസാറ്റ്–18. ഇതുവരെ വിക്ഷേപിച്ചതില്‍ ഏറ്റവും ഭാരമേറിയ ഉപഗ്രഹമാണ് ജിസാറ്റ്്-18. 3,425 കിലോഗ്രാം ഭാരമുള്ള ജിസാറ്റ്–18ന് ആറ് കിലോവാട്ട് വൈദ്യുതി ഉത്പാദിപ്പിക്കാന്‍ ശേഷിയുണ്ട്

ഭാരമേറിയ ഉപഗ്രഹങ്ങള്‍ വഹിക്കാന്‍ ശേഷിയുള്ള ജി.എസ്.എല്‍.വി എം.കെ. 3 റോക്കറ്റ് 2017ല്‍ പ്രവര്‍ത്തന സജ്ജമാക്കുകയാണ് ഐ.എസ്.ആര്‍.ഒയുടെ ലക്ഷ്യം. കെയു ബാന്‍ഡ് ട്രാന്‍സ്‌പോണ്‍ഡര്‍, സാധാരണ സി ബാന്‍ഡ് ട്രാന്‍സ്‌പോണ്‍ഡര്‍, വിപുലീകരിച്ച സി ബാന്‍ഡ് ട്രാന്‍സ്‌പോണ്്ടര്‍ എന്നിവയാണ് ജിസാറ്റ്–18 വഹിക്കുന്നതെന്ന് ഐഎസ്ആര്‍ഒ അറിയിച്ചു.