ആലപ്പുഴ: ഗാന്ധി ജയന്തി വാരാഘോഷത്തിന്റെ ഭാഗമായി നെഹ്‌റു യുവകേന്ദ്ര, സബര്‍മതി, വിശ്വദര്‍ശന ശിശുസേവാസമിതി എന്നിവയുടെ നേതൃത്വത്തില്‍ കുട്ടികളുടെ ശൂചീകരണ പ്രവര്‍ത്തനവും പഠനയാത്രയും സംഘടിപ്പിക്കുന്നു. ഒക്‌ടോബര്‍ എട്ടിനു മഹാത്മാ ഗാന്ധിയുടെ പാദസ്പര്‍ശമേറ്റ കരുമാടിയിലെ മുസരിസ് ബംഗ്‌ളാവില്‍ ശുചിത്വ ബോധവല്‍കരണവും കലാപരിപാടിയും സംഘടിപ്പിക്കും. കരുമാടി ബുദ്ധപ്രതിമ സ്ഥിതി ചെയ്യുന്ന സ്ഥലത്തും തകഴി സ്മൃതി മണ്ഡപത്തിലും പുഷ്പാര്‍ച്ചന നടത്തും.