തിരുവനന്തപുരം: റോഡ് ടാറിങിന് ഷ്രെഡഡ് പ്ലാസ്റ്റിക്ക്-ബിറ്റുമിന്‍ മിശ്രിതം തയാറാക്കി ഉപയോഗപ്പെടുത്തുന്നതിനായുള്ള പ്രവൃത്തികള്‍ പൊതുമരാമത്ത് മന്ത്രി ജി.സുധാകരന്‍ ഉദ്ഘാടനം ചെയ്തു.
പരീക്ഷണാടിസ്ഥാനത്തില്‍ നടത്താന്‍ നിശ്ചയിച്ച പദ്ധതിക്കുള്ള മിശ്രിതം ആക്കുളത്തെ ഹോട്ട് പ്ലാന്റിലാണ് തയാറാക്കുന്നത്. ജില്ലയില്‍ പാറശാലയിലെ ചുള്ളിയൂര്‍-ചടച്ചി മാര്‍ത്താണ്ഡം റോഡില്‍ മാരായമുട്ടം ഭാഗത്താണ് പ്ലാസ്റ്റിക്ക് ഉപയോഗിച്ച് റോഡ് ടാറിംഗിന് തീരുമാനിച്ചിട്ടുള്ളത്.
ചടങ്ങില്‍ ചീഫ് എഞ്ചിനിയര്‍മാരായ പി.കെ.സതീശന്‍(റോഡ്‌സ് ആന്റ് ബ്രിഡ്ജസ്),കെ.പി.പ്രഭാകരന്‍(ദേശീയ പാത),കെ.സുന്ദരന്‍(ഡിസൈന്‍ ആന്‍ഡ് അഡ്മിനിസ്‌ട്രേഷന്‍) എന്നിവരും പങ്കെടുത്തു.