കയ്പമംഗലം: വര്‍ധിച്ചു വരുന്ന ലഹരി ഉപയോഗത്തിനെതിരെ ഗ്രാമപ്രദേശങ്ങളില്‍ ലഹരി വിരുദ്ധ ബോധവല്‍ക്കരണ ക്ലാസുകള്‍ സംഘടിപ്പിക്കുന്നു. പെരിഞ്ഞനം ഗ്രാമപഞ്ചായത്തിന്റെ നേതൃത്വത്തില്‍ പെരിഞ്ഞനം എസ്.എന്‍ സ്മാരകം സ്‌കൂളില്‍ സംഘടിപ്പിച്ച ലഹരി വിരുദ്ധ ബോധവല്‍ക്കരണ ക്ലാസ് ഗ്രാമപഞ്ചായത്ത് വൈസ് പ്രസിഡന്റ് സായിദ മുത്തുക്കോയ തങ്ങള്‍ ഉദ്ഘാടനം ചെയ്തു. പഞ്ചായത്ത് ക്ഷേമകാര്യ സ്റ്റാന്റിംഗ് കമ്മിറ്റി ചെയര്‍പഴ്‌സണ്‍ ബിന്ദു ലോഹിദാക്ഷന്‍ അധ്യക്ഷയായി. വികസനകാര്യ സ്റ്റാന്റിംഗ് കമ്മിറ്റി ചെയര്‍മാന്‍ പി.വി സതീഷ് ആമുഖ പ്രഭാഷണം നടത്തി. പെരിഞ്ഞനം പഞ്ചായത്ത് വിദ്യാഭ്യാസ വികസന സമിതി ചെയര്‍മാന്‍ പ്രൊഫസര്‍ പി.എസ് ശ്രീജിത്ത്, പഞ്ചായത്തംഗങ്ങളായ സ്മിത ഷാജി, സിന്ധു ഉണ്ണി, മാതൃസംഘം പ്രസിഡന്റ് മഞ്ജു സുഭാഷ്, ഹെഡ്മിസ്ട്രസ് പി.പി ഷീല, ടി.പി വിനോദ് മാസ്റ്റര്‍ എന്നിവര്‍ സംസാരിച്ചു. പെരിഞ്ഞനം ഗ്രാമപഞ്ചായത്തിന്റെ ആഭിമുഖ്യത്തില്‍ പെരിഞ്ഞനം ഈസ്റ്റ് യു.പി സ്‌കൂളില്‍ സംഘടിപ്പിച്ച ലഹരി വിരുദ്ധ ബോധവല്‍ക്കരണ ക്ലാസ് പ്രധാനധ്യാപിക പി.ആര്‍ വിജയലക്ഷ്മി ഉദ്ഘാടനം ചെയ്തു. വാര്‍ഡ് മെമ്പര്‍ ദിലീപ് കരുവത്തില്‍ അധ്യക്ഷനായി. സ്‌പെഷല്‍ ബ്രാഞ്ച് എസ്.ഐ വി.ഐ അഷ്‌റഫ് ബോധവല്‍ക്കരണം നടത്തി. എം.പി.ടി.എ പ്രസിഡന്റ് താര ജയപ്രകാശ്, എസ്.ആര്‍.ജി കണ്‍വീനര്‍ സീമ ടീച്ചര്‍ എന്നിവര്‍ സംസാരിച്ചു. പെരിഞ്ഞനം ഗ്രാമപഞ്ചായത്തിലെ മുഴുവന്‍ യു.പി, ഹൈസ്‌കൂള്‍ വിദ്യാര്‍ഥികളെ പങ്കെടുപ്പിച്ചു കൊണ്ടുള്ള ലഹരി വിരുദ്ധ ബോധവല്‍ക്കരണം പെരിഞ്ഞനം ആര്‍.എം.വി.എച്ച്.എസ് സ്‌കൂളില്‍ നടന്നു. പെരിഞ്ഞനം ഗ്രാമപഞ്ചായത്ത് പ്രസിഡന്റ് കെ.കെ സച്ചിത്ത് ഉദ്ഘാടനം നിര്‍വഹിച്ചു. ശംസുദ്ദീന്‍ വാത്യേടത്ത് അധ്യക്ഷനായി. സ്‌കൂള്‍ ഓഫ് ഡ്രീംസ് ഫൗണ്ടര്‍ ഫ്രാന്‍സീസ് അസീസി ക്ലാസ് നയിച്ചു. ഹെഡ്മാസ്റ്റര്‍ രാമനാഥന്‍ മാസ്റ്റര്‍ പ്രസംഗിച്ചു.