ആനക്കര: കപ്പൂര്‍ പഞ്ചായത്തിലെ കൊള്ളനൂര്‍ കാലിചന്തയില്‍ നടന്ന അഖിലകേരള കൊള്ളനൂര്‍ ചന്ത വടംവലി ചാംപ്യന്‍ഷിപ്പില്‍ ആഹാ എടപ്പാള്‍ ഒന്നാം സ്ഥാനംവും ഗ്രാന്റ് സ്റ്റാര്‍ പുളക്കല്‍ രണ്ടാം സ്ഥാനവും ലാസ് കോളിയാടി വയനാട് മൂന്നാം സ്ഥാനവും നേടി കേരളത്തിലെ വിവിധ ജില്ലകളില്‍ നിന്നുളള 38 പ്രമുഖ ടീമുകളാണ് മത്സരത്തില്‍ പങ്കെടുത്തത്. മുപ്പതിനായിരത്തില്‍ തുടങ്ങിയ രണ്ടായിരത്തി അഞ്ഞൂറില്‍ അവസാനിക്കുന്ന 20 സമ്മാനങ്ങളാണ് മത്സരത്തില്‍ പങ്കെടുത്ത് വിജയിച്ചവര്‍ക്ക് നല്‍കിയത്. ആഹാ ഫ്രണ്ട്‌സ് എടപ്പാളാണ് മത്സരത്തിന് നേത്യത്വം നല്‍കുന്നത്. വ്യാഴാഴ്ച്ച രാത്രിയില്‍ ഹെവി വെയിറ്റ് മത്സരം ആരംഭിക്കും. വെള്ളിയാഴ്ച്ച രാവിലെ സമാപിക്കും ഇതില്‍ 10 ടീമുകളാണ് പങ്കെടുക്കുന്നത്. 1200 കിലോയ്ക്ക് മുകളിലുളള ടീമുകളാണ് ഈ മത്സരത്തില്‍ പങ്കെടുക്കുക.