പാലക്കാട്: കേരള സംസ്ഥാന പിന്നോക്ക വിഭാഗ വികസന കോര്‍പ്പറേഷന്‍ സ്വയം തൊഴില്‍ വായ്പയ്ക്ക് അപേക്ഷ ക്ഷണിച്ചു. ഒ.ബി.സി വിഭാഗത്തിലും, ക്രിസ്ത്യന്‍, മുസ്‌ലീം, ജൈന, പാഴ്‌സി, സിക്ക്. ബുദ്ധ തുടങ്ങിയ മറ്റ് മതന്യൂന പക്ഷ വിഭാഗത്തിലും പെട്ട 18നും 55നും മധ്യേ പ്രായമുള്ളവര്‍ക്ക് അപേക്ഷിക്കാം. കുടുംബ വാര്‍ഷിക വരുമാനം ഗ്രാമ പ്രദേശത്തുള്ളവരില്‍ 98,000- രൂപയിലും, നഗരപ്രദേശങ്ങളില്‍ 1,20,000- രൂപയിലും താഴെയുള്ള ഒ.ബി.സി. വിഭാഗത്തില്‍പെട്ടവര്‍ക്ക് പരമാവധി അഞ്ച് ലക്ഷം രൂപവരെ ആറു ശതമാനം പലിശ നിരക്കിലും, പത്ത് ലക്ഷം രൂപവരെ എട്ടു ശതമാനം പലിശ നിരക്കിലും വായ്പ അനുവദിക്കും.
കുടുംബ വാര്‍ഷിക വരുമാനം ഗ്രാമ പ്രദേശത്തുള്ളവരില്‍ 81,000- രൂപയിലും, നഗരപ്രദേശങ്ങളില്‍ 1,03,000- രൂപയിലും താഴെയുള്ള ഒ.ബി.സി. വിഭാഗത്തില്‍പെട്ടവര്‍ക്ക് പരമാവധി 15 ലക്ഷം രൂപവരെ 6 ശതമാനം പലിശ നിരക്കിലും. 6 ലക്ഷത്തിന് താഴെ കുടംബവാര്‍ഷിക വരുമാനമുള്ള പുരുഷന്‍മാര്‍ക്ക് 8 ശതമാനം പലിശ നിരക്കിലും , സ്ത്രീകള്‍ക്ക് 6 ശതമാനം പലിശ നിരക്കിലും പരമാവധി 20 ലക്ഷം രൂപ വരെയും വായ്പ ലഭ്യമാണ്.കാര്‍ഷിക, ചെറുകിട വ്യവസായ സേവന മേഖലയില്‍പ്പെട്ട ഏത് സംരഭത്തിനും വായ്പ നല്‍കും.
തിരിച്ചടവ് കാലാവധി പരമാവധി 84 മാസം. കൃത്യമായി തിരിച്ചടക്കുന്നവര്‍ക്ക് പലിശയില്‍ പ്രത്യേക സബ്‌സിഡിയും നല്‍കും.
അപേക്ഷാ ഫോറത്തിനും കൂടുതല്‍ വിവരങ്ങള്‍ക്കും കോര്‍പ്പറേഷന്റെ ജില്ലാ ഓഫീസുകളെയോ വര്‍ക്കല , ഹരിപ്പാട്, ചേലക്കര, പട്ടാമ്പി, തിരൂര്‍, വണ്ടൂര്‍ ഉപജില്ലാ ഓഫീസുകളേയൊ സമീപിക്കണം. കോര്‍പ്പറേഷന്‍ വെബ്‌സൈറ്റായ ംംം.സയെരറര.രീാലും വിശദ വിവരങ്ങള്‍ ലഭ്യമാണ്.