തിരുവനന്തപുരം: സര്‍ക്കാര്‍ ഐ.ടി.ഐകളിലെ ഇന്‍സ്ട്രക്ടര്‍മാരുടെ സംഘടനയായ ഇന്‍ഡസ്ട്രിയല്‍ ട്രെയിനിങ് ഡിപ്പാര്‍ട്ട്‌മെന്റ് ഇന്‍സ്ട്രക്‌ടേഴ്‌സ് ഓര്‍ഗനൈസേഷന്‍ (ഐ.ടി.ഡി.ഐ.ഒ) സംസ്ഥാന കണ്‍വന്‍ഷന്‍ എട്ടിനു രാവിലെ 9.30നു തിരുവനന്തപുരം പ്രസ് ക്ലബിന് സമീപം എം.എന്‍.വി.ജി അടിയോടി ഹാളില്‍ നടക്കുമെന്നു ഭാരവാഹികള്‍ വാര്‍ത്താസമ്മേളനത്തില്‍ പറഞ്ഞു.
പ്രതിനിധി സമ്മേളനം ഡെപ്യൂട്ടി സ്പീക്കര്‍ വി.ശശി ഉദ്ഘാടനം ചെയ്യും. ഉച്ചയ്ക്കു രണ്ടിനു നടക്കുന്ന സെമിനാറില്‍ പ്‌ളാനിങ് ബോര്‍ഡ് അംഗം ഡോ.കെ. രവിരാമന്‍, കെ.രാജന്‍ എം.എല്‍.എ എന്നിവര്‍ സംസാരിക്കും.
ഐ.ടി.ഡി.ഐ.ഒ സംസ്ഥാന സെക്രട്ടറി ടി.സുബൈര്‍, കണ്‍വീനര്‍മാരായ മനോജ് മോഹന്‍, എം.സന്തോഷ്‌കുമാര്‍ എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.