പനമരം: കാര്‍തല കീഴായി മറിഞ്ഞ് യാത്രക്കാര്‍ അത് ഭുതകരമായി രക്ഷപ്പെട്ടു. പനമരം കൊയിലേരി റോഡില്‍ ഇന്നലെ മൂന്നേ മുപ്പതിനായിരുന്നു അപകടം സംഭവിച്ചത്. വിവാഹ സല്‍ക്കാരം കഴിഞ്ഞ് മാനന്തവാടിയില്‍ നിന്ന് പനമരത്തേക്ക് വരികയായിരുന്ന കുടുംബം സഞ്ചരിച്ച കാറാണ് അപകടത്തില്‍ പെട്ടത്. ചെറുകാട്ടൂരിന് സമീപമുള്ള റോഡരികിലെ കലുങ്കിലിടിച്ച് കാര്‍ ഇരുപതടിയോളം താഴ്ച്ചയ്ക്കുള്ള കലുങ്കിനടിയിലേക്ക് തല കീഴായിമറിയുകയായിരുന്നു. പനമരം മുയ്യാരിക്കïി പരേതനായ അസ്സു ഹാജിയുടെ ഭാര്യആമിന ഹജ്ജുമ്മ (75), മകന്‍ അബ്ദുല്‍ സമദ്(44), ബന്ധു കമ്പളക്കാട് പിലാശ്ശേരി ആസിയ(54) എന്നിവര്‍ക്ക് പരുക്കേറ്റു. ഇതില്‍ ആമിനയുടെ പരുക്ക് സാരമാണ്്. ഇവരെ മാനന്തവാടി ജില്ലാ ആശുപത്രിയിലും പിന്നീട് വിദഗ്ധ ചികിത്സക്കായി കോഴിക്കോട്ടേക്കും കൊണ്ടുപോയി.