അബൂദബി: ടി20യ്ക്കു പിന്നാലെ വെസ്റ്റിന്‍ഡീസിനെതിരായ ഏകദിന പരമ്പരയും പാകിസ്താന്‍ തൂത്തുവാരി. മൂന്നാം ഏകദിനത്തില്‍ 136 റണ്‍സിന്റെ വിജയം പിടിച്ചാണ് പാകിസ്താന്‍ മൂന്നു മത്സരങ്ങളടങ്ങിയ പരമ്പര പാകിസ്താന്‍ തൂത്തുവാരിയത്.
ആദ്യം ബാറ്റു ചെയ്ത പാകിസ്താന്‍ 50 ഓവറില്‍ ആറു വിക്കറ്റ് നഷ്ടത്തില്‍ 308 റണ്‍സെടുത്തപ്പോള്‍ വിന്‍ഡീസിന്റെ പോരാട്ടം വെറും 44 ഓവറില്‍ 172 റണ്‍സില്‍ അവസാനിച്ചു.
ബാബര്‍ അസം (117), നായകന്‍ അസ്ഹര്‍ അലി (101) എന്നിവരുടെ മികവിലാണ് പാകിസ്താന്‍ മികച്ച സ്‌കോര്‍ നേടിയത്.
തുടര്‍ച്ചയായി മൂന്നു മത്സരത്തിലും സെഞ്ച്വറി നേടി ബാബര്‍ അസം പരമ്പരയുടെ താരമായി.