ബൊലോഗ്ന (ഇറ്റലി): ഇന്ത്യയുടെ ജിത്തു റായിക്ക് ഷൂട്ടിങ് ലോകകപ്പില്‍ വെള്ളി മെഡല്‍. 50 മീറ്റര്‍ പിസ്റ്റള്‍ വിഭാഗത്തിലാണ് ജിത്തു വെള്ളി നേട്ടം സ്വന്തമാക്കിയത്. 188.8 പോയിന്റുകള്‍ സ്‌കോര്‍ ചെയ്താണ് ഇന്ത്യന്‍ താരം രïാം സ്ഥാനത്ത് ഫിനിഷ് ചെയ്തത്. ചൈനയുടെ വി പാങിനാണ് സ്വര്‍ണം. താരം 190.6 പോയിന്റുകള്‍ സ്‌കോര്‍ ചെയ്തു. 170.3 പോയിന്റുകള്‍ സ്‌കോര്‍ ചെയ്ത ഇറ്റലിയുടെ ഗ്യുസെപ്പെ ജിയോര്‍ഡാനോയ്ക്കാണ് വെങ്കലം.
നേരത്തെ ബകുവില്‍ നടന്ന ലോകകപ്പ് പോരാട്ടത്തില്‍ വെള്ളി നേടിയ ജിത്തു റിയോ ഒളിംപിക്‌സില്‍ പ്രതീക്ഷയുïായിരുന്ന താരമായിരുന്നു. എന്നാല്‍ റിയോയില്‍ മികച്ച പ്രകടനം നടത്താന്‍ താരത്തിനു സാധിച്ചില്ല. ഇതിനെ മറികടക്കുന്ന പ്രകടനമാണ് താരം ഇറ്റലിയില്‍ പുറത്തെടുത്തത്. വെള്ളി മെഡല്‍ നേടിയ ജിത്തുവിനെ അഭിനവ് ബിന്ദ്ര ട്വിറ്ററിലൂടെ അഭിനന്ദിച്ചു.