ചുണ്ടേല്‍: മാസങ്ങളായി മാഞ്ഞ് കിടന്നിട്ടും അധികൃതര്‍ നടപടി സ്വീകരിക്കാതിരുന്ന ചുണ്ടേല്‍ ടൗണില്‍ മാഞ്ഞ് പോയ സീബ്രാലൈന്‍ വരയ്ക്കാന്‍ ഒടുവില്‍ ഡ്രൈവര്‍മാര്‍ തന്നെ രംഗത്തിറങ്ങി. വിദ്യാര്‍ഥികളും മറ്റു യാത്രക്കാരും ദേശീയപാത മുറിച്ച് കടക്കാന്‍ കഷ്ടപ്പെടുന്നത് കണ്ട് മടുത്തിട്ടാണ് ടൗണിലെ ഡ്രൈവര്‍മാര്‍ തന്നെ ഇക്കാര്യത്തിന് മുന്നിട്ടിറങ്ങിയത്. ഡ്രൈവര്‍മാര്‍ പിരിവിട്ടെടുത്ത തുക ചെലവിട്ടാണ് പെയിന്റും മറ്റു കാര്യങ്ങളും നടത്തിയത്.