മുക്കം: സി.എച്ച് മുഹമ്മദ് കോയ മുസ്‌ലിം ലീഗ് രാഷ്ട്രീയത്തിന് മതേതര മുഖം നല്‍കിയ നേതാവായിരുന്നെന്ന് ജില്ലാ മുസ്‌ലിം ലീഗ് സെക്രട്ടറി സി.പി ചെറിയ മുഹമ്മദ് പറഞ്ഞു.
തിരുവമ്പാടി നിയോജക മണ്ഡലം യൂത്ത് ലീഗ് സി.എച്ച് സ്മൃതി സംഗമം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. പ്രസിഡന്റ് കെ.പി സുനീര്‍ അധ്യക്ഷനായി.
 കൊടുവള്ളി മണ്ഡലം യൂത്ത് ലീഗ് പ്രസിഡന്റ് ടി.മൊയ്തീന്‍ കോയ സ്മൃതി പ്രഭാഷണം നടത്തി. മണ്ഡലം ലീഗ് വൈസ് പ്രസിഡന്റ് കെ.വി അബദുറഹിമാന്‍, സലാം തേക്കുംക്കുറ്റി , വി.പി .എ ജലീല്‍ ,റാഫി മുണ്ടുപാറ ,വി .പി നിസാം, നാസര്‍ തേക്കുംതോട്ടം, കെ.വി നിയാസ് ,ഷരീഫ് വെണ്ണക്കോട്, ഷിയാസ് ഇല്ലിക്കല്‍ സംസാരിച്ചു.