കോഴിക്കോട്: എസ്.കെ.എസ്.എസ്.എഫ് ത്വലബാവിങ് സംസ്ഥാനവ്യാപകമായി നടത്തുന്ന 'തിദ്കാര്‍' പദ്ധതിയുടെ ജില്ലാതല ഉദ്ഘാടനവും സ്വാതന്ത്ര്യദിനത്തോടനുബന്ധിച്ചു നടത്തിയ  കൊളാഷ് മത്സര വിജയികള്‍ക്കുള്ള സമ്മാനദാനവും ഇന്നു നടക്കും. വൈകിട്ട് നാലിനു കോഴിക്കാട് വരക്കല്‍ മഖാമില്‍ കോഴിക്കോട് ഖാസി സയ്യിദ് മുഹമ്മദ് കോയ തങ്ങള്‍ ജമലുല്ലൈലി ഉദ്ഘാടനം ചെയ്യും. സയ്യിദ് ഹമീദ് തങ്ങള്‍ ദാരിമി മഞ്ചേരി അനുസ്മരണപ്രഭാഷണം നടത്തും. എസ്.കെ.എസ്.എസ്.എഫ് കോഴിക്കോട് ജില്ലാ പ്രസിഡന്റ് സയ്യിദ് മുബഷിര്‍ തങ്ങള്‍ ജമലുല്ലൈലി, ജില്ലാ സെക്രട്ടറി ഒ.പി അഷ്‌റഫ്, ബാസിത് ഹുദവി ചെമ്പ്ര, ത്വയ്യിബ് റഹ്മാനി പങ്കെടുക്കും. ജില്ലയിലെ മുഴുവന്‍ ദര്‍സ്-അറബിക് കോളജ് വിദ്യാര്‍ഥികള്‍ പങ്കെടുക്കണമെന്നു സംഘാടകര്‍ അറിയിച്ചു.