കാളികാവ്: ചോക്കാട് ഗവ.യു.പി സ്‌കൂളില്‍ പൗള്‍ട്രി ക്ലബ് ഉദ്ഘാടനം ചെയ്തു.  ക്ലബിന്റെ നേതൃത്വത്തില്‍ നടന്ന മുട്ട കോഴി വിതരണം ബ്ലോക്ക് പഞ്ചായത്ത് പ്രസിഡന്റ് പി.ഖാലിദ് മാസ്റ്റര്‍ ഉദ്ഘാടനം ചെയ്തു. ചോക്കാട് പഞ്ചായത്ത് പ്രസിഡന്റ് ഷാഹിന ഗഫൂര്‍ അധ്യക്ഷയായി.
പഞ്ചായത്തംഗം നസീമ തറമ്മല്‍, ബ്ലോക്ക് പഞ്ചായത്തംഗം പൈനാട്ടില്‍ അഷ്‌റഫ്, ചോക്കാട് വെറ്ററിനറി സര്‍ജന്‍ കെ.പി അന്‍വര്‍, പി.ടി.എ പ്രതിനിധി ടി.പി നാസര്‍, പ്രധാനധ്യാപകന്‍ പി. ബാല ഗോവിന്ദന്‍, സ്റ്റാഫ് സെക്രട്ടറി എന്‍. കബീര്‍ സംസാരിച്ചു.
പരിപാടിയുടെ ഭാഗമായി സ്‌കൂളിലെ മുട്ട വിതരണ പദ്ധതിയിലേക്ക് ഏറ്റവും കൂടുതല്‍ മുട്ട നല്‍കിയ സ്‌കൂള്‍ പൗള്‍ട്രി ക്ലബ് അംഗത്തിന് അവാര്‍ഡ് നല്‍കി ആദരിച്ചു.