തിരൂരങ്ങാടി: ഒരു ദിവസത്തെ വേതനം മുഴുവനായി പാലിയേറ്റീവ് സൊസൈറ്റിക്ക് കൈമാറി കോഹിനൂരിലെ ഓട്ടോറിക്ഷാ തൊഴിലാളികളുടെ കാരുണ്യ പ്രവര്‍ത്തനം.
    തേഞ്ഞിപ്പലം പാലിയേറ്റീവ് സൊസൈറ്റിയെ സഹായിക്കാനാണ് വ്യാഴാഴ്ച രാവിലെ മുതല്‍ കോഹിനൂരിലെ ഓട്ടോകള്‍ ഓടിയത്.
അന്‍പതോളം വരുന്ന ഓട്ടോറിക്ഷകളില്‍ ഇന്നത്തെ വേതനം പാലിയേറ്റീവ് സൊസൈറ്റിക്ക് എന്ന ബാനറും പ്രദര്‍ശിപ്പിച്ചിരുന്നു.
സാധാരണ നല്‍കുന്നതിലും കൂടുതല്‍ തുക നല്‍കി യാത്രക്കാരും കാരുണ്യ പ്രവര്‍ത്തനത്തില്‍ പങ്കാളികളായി.
വൈകിട്ട് കോഹിനൂരില്‍ നടന്ന ചടങ്ങില്‍ സമാഹരിച്ച തുക തേഞ്ഞിപ്പലം ഗ്രാമപഞ്ചായത്ത് പ്രസിഡന്റ് സഫിയ റസാഖ് തോട്ടത്തില്‍ പാലിയേറ്റീവ് സൊസൈറ്റി ഡയറക്ടര്‍ ടി.ജയഭരതന് കൈമാറി. വേലായുധന്‍ അധ്യക്ഷനായി. ധനജ്, ബാലകൃഷ്ണന്‍ കാളനാരി, ജിവേഷ് , മനോജ്, അബ്ദുല്‍ റഹീം, എ.പി സൈതലവി, രാജി സംസാരിച്ചു.