വെട്ടത്തൂര്‍: ഗവ. ഹയര്‍സെക്കന്‍ഡറി സ്‌കൂളിലെ 17 ഭിന്നശേഷി വിദ്യാര്‍ഥികള്‍ക്കായി പഠനയാത്ര സംഘടിപ്പിച്ചു. ഭിന്നശേഷി വിദ്യാര്‍ഥികളുടെ പുനരധിവാസം ലക്ഷ്യമാക്കിയുള്ള സ്വയംതൊഴില്‍ യൂനിറ്റുകള്‍ ആരംഭിക്കുന്നതിനാണ് യാത്ര സംഘടിപ്പിച്ചത്.
ഗ്ലോബിഷ് ലാംഗ്വേജ് ലാബ്‌സ്, കെ.വി.വി.എസ്. ഇഗ്ലീഷ് ക്ലബ് മേലാറ്റൂര്‍ എന്നിവയുടെ സഹകരണത്തോടെയാണ് യാത്ര സംഘടിപ്പിച്ചത്. വിദ്യാര്‍ഥികളുടെ രക്ഷിതാക്കളും യാത്രയില്‍ പങ്കാളികളായി. പ്രധാനാധ്യാപിക ആമിനാബീവി, പ്രിന്‍സിപ്പല്‍ അബ്ദുല്‍ കരീം, അധ്യാപകന്‍ സുനില്‍കുമാര്‍, ഗ്ലോബിഷ് ലാബ് എം.ഡി സജീവ്കുമാര്‍, ടി. ജയന്‍, സി.ടി മമ്മദ്, കളത്തില്‍ മജീദ് നേതൃത്വം നല്‍കി.