കണ്ണൂര്‍: സ്വയം തൊഴില്‍ കണ്ടെത്താന്‍ പട്ടിക ജാതി വര്‍ഗക്കാര്‍ക്ക് ജാമ്യ വ്യവസ്ഥയില്ലാതെ പലിശരഹിത വായ്പകള്‍ നല്‍കുന്നതിനു വേണ്ടിയുള്ള നടപടികള്‍ സ്വീകരിക്കണമെന്ന് അംബേദ്കര്‍ ജനപരിഷത്ത്. മുഖ്യമന്ത്രിയുടെ കടാശ്വാസപദ്ധതിയില്‍ സഹകരണബാങ്കുകളും ഉള്‍പ്പെടുത്തി വായ്പകള്‍ എഴുതിത്തള്ളുക, കേന്ദ്ര സംസ്ഥാന സര്‍വീസുകളില്‍ സ്‌പെഷ്യല്‍ റിക്രൂട്ട്‌മെന്റ് നടപ്പിലാക്കുക, സ്വകാര്യമേഖലയില്‍ സംവരണം കൊണ്ടുവരിക തുടങ്ങിയ ആവശ്യങ്ങള്‍ ഉന്നയിച്ചുകൊണ്ട് നവംബര്‍ ഏഴിന് കലക്ട്രേറ്റ് പടിക്കല്‍ നിന്നും റെയില്‍വേ സ്റ്റേഷനിലേക്ക് ധര്‍ണ നടത്തുമെന്നും ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു.
സംസ്ഥാന പ്രസിഡന്റ് രാമദാസ് വേങ്ങേരി, സംസ്ഥാന സെക്രട്ടറി അനീഷ് സ്വാമിമുക്ക്, ജില്ലാ ട്രഷറര്‍ കുമാര്‍ കാങ്കോല്‍ പങ്കെടുത്തു.