കൂത്തുപറമ്പ്: ശാന്തിയുടേയും സമാധാനത്തിന്റെയും മതമായ പരിശുദ്ധ ദീനുല്‍ ഇസ്‌ലാമിന്റെ സന്ദേശം പ്രചരിപ്പിക്കുന്നതിന് പകരം തീവ്രവാദത്തിന്റെയും ഭീകരവാദത്തിന്റെയും പാതയിലേക്ക് ജനങ്ങളെ ക്ഷണിക്കുന്ന ആളുകള്‍ ഇസ്‌ലാമിനെക്കുറിച്ച് പഠിക്കാത്തവരാണെന്നും ഇസ്‌ലാം സഹിഷ്ണുതയുടെ മതമാണെന്നും എസ്.കെ.എസ്.എസ്.എഫ് സംസ്ഥാന ജോയിന്റ് സെക്രട്ടറി അബ്ദുല്‍ സലാം ദാരിമി കിണവക്കല്‍ പറഞ്ഞു.
എസ്.കെ.എസ്.എസ്.എഫ് ആറാംമൈല്‍ യൂണിറ്റ് സംഘടിപ്പിച്ച നൂറെ ഇല്‍മ് പരിപാടി ഉദ്ഘാടനം ചെയ്യുകയായിരുന്നു അദ്ദേഹം. വി.സി ഹംസ ഹാജി അധ്യക്ഷനായി. ഡി.വൈഎസ്.പി പ്രിന്‍സ് അബ്രഹാം വിശിഷ്ടാതിഥിയായി. നവാസ് മന്നാനി പനവൂര്‍ മുഖ്യ പ്രഭാഷണം നടത്തി. അബ്ദുള്‍ സലാം മുസ്‌ല്യാര്‍, സിദ്ദീഖ് ഫൈസി മെരുവമ്പായി, മുജീബ്‌റഹ്മാന്‍, നസീര്‍ മൂര്യാട്, മുഹമ്മദ് ശമീല്‍ പ്രസംഗിച്ചു. പരിപാടി എട്ടിന് സമാപിക്കും.