കണ്ണൂര്‍: എല്ലാ ഗ്രാമങ്ങളിലും ഗവ. ആയുര്‍വേദ ഡിസ്‌പെന്‍സറികള്‍ ആരംഭിക്കണമെന്നും പ്രാഥമികതലത്തില്‍ കുടുംബ ഡോക്ടര്‍ സംവിധാനം കൂടുതല്‍ ഊര്‍ജിതമാക്കണമെന്നും കേരള സ്റ്റേറ്റ് ഗവ: ആയുര്‍വേദ മെഡിക്കല്‍ ഓഫിസേര്‍സ് അസോസിയേഷന്‍ ജില്ലാ സമ്മേളനം ആവശ്യപ്പെട്ടു. റബ്‌കോ ഹാളില്‍ ജില്ലാ പഞ്ചായത്ത് പ്രസിഡന്റ് കെ.വി സുമേഷ് ഉദ്ഘാടനം ചെയ്തു.
ജില്ലാ പ്രസിഡന്റ് ഡോ. എ.വി സാജന്‍ അധ്യക്ഷനായി. ജില്ലാ സെക്രട്ടറി ഡോ. പി.വി പ്രീത പ്രവര്‍ത്തന റിപ്പോര്‍ട്ടും ട്രഷറര്‍ ഡോ. എന്‍.എ.വി സജിന വരവ് ചെലവ് കണക്കുും അവതരിപ്പിച്ചു. ഡോ. തൊടിയൂര്‍ ശശികുമാര്‍, ഡോ. പി.കെ സോമന്‍, ഡോ. ശര്‍മ്മദ്ഖാന്‍, ഡോ. വി.ജെ സെബി, ഡോ. ആര്‍ ഷാജു, ഡോ. എം അസൈനാര്‍ സംസാരിച്ചു. രാസ ഔഷധങ്ങളുടെ അനിയന്ത്രിത ഉപയോഗം എന്ന വിഷയത്തില്‍ ഡോ. എം.കെ ജിതേഷ് സെമിനാര്‍ അവതരിപ്പിച്ചു.
ഭാരവാഹികള്‍: ഡോ. പി.വി പ്രീത (പ്രസിഡന്റ്), ഡോ. കെ.എന്‍ അനുപമ, ഡോ. പി.വി റീജ(വൈസ് പ്രസിഡന്റ്), ഡോ. എച്ച് കൃഷ്ണകുമാര്‍(സെക്രട്ടറി), ഡോ. പി മുഹമ്മദ്,, ഡോ. സുജ ജി നായര്‍(ജോ.സെക്രറി), ഡോ. ജഷി നിദകരന്‍(ട്രഷറര്‍).