കാസര്‍കോട്: മയക്കുമരുന്നു കലര്‍ന്ന സ്‌പ്രേയുമായി മധ്യവയസ്‌കന്‍ പിടിയിലായി. തളങ്കര ബാങ്കോട്ടെ മുഹമ്മദ് ഹനീഫയാ (46)ണ് അറസ്റ്റിലായത്. കഴിഞ്ഞ ദിവസം കാസര്‍കോട് നഗരത്തിലെ ഒരു കടയ്ക്കു മുന്നില്‍ വച്ചാണ് ഇയാളെ പൊലിസ് അറസ്റ്റു ചെയ്തത്. നഗരത്തിലും പരിസര പ്രദേശങ്ങളിലും മയക്കു മരുന്നു വില്‍പന സജീവമായി നടക്കുന്നതു സംബന്ധിച്ച് പൊലിസ് നിരീക്ഷണം നടത്തി വരുന്നതിനിടയിലാണ് ഇയാള്‍ പിടിയിലായത്.