കാസര്‍കോട്: കാസര്‍കോട് ഗവ. കോളജ് പരിസരത്തുണ്ടായ സംഘര്‍ഷത്തില്‍ എസ്.എഫ്.ഐ, എം.എസ്.എഫ് പ്രവര്‍ത്തകരായ അഞ്ചു പേര്‍ക്ക് പരുക്കേറ്റു. കോളജ് പരിസരത്തു നില്‍ക്കുകയായിരുന്ന എം.എസ്.എഫ് സ്ഥാനാര്‍ഥികളെ പുറമേ നിന്നെത്തിയ ഒരു സംഘം മര്‍ദിച്ചതായാണു പരാതി. പരുക്കേറ്റ യു.ഡി.എസ്.എഫ് സ്ഥാനാര്‍ഥികളായ സി ഉമ്മര്‍, മുഹമ്മദ് ഫിറോഷ് ഷാ, കെ.ഐ അഹമദ് കബീര്‍ എന്നിവരെ കാസര്‍കോട് ജനറല്‍ ആശുപത്രിയില്‍ പ്രവേശിപ്പിച്ചു.
എസ്.എഫ്.ഐ-ഡി.വൈ.എഫ്.ഐ പ്രവര്‍ത്തകരാണ് അക്രമത്തിനു പിന്നിലെന്ന് എം.എസ്.എഫ് ആരോപിച്ചു. അക്രമത്തില്‍ എം.എസ്.എഫ് ജില്ലാ കമ്മിറ്റി പ്രതിഷേധിച്ചു.
അതേസമയം, യു.ഡി.എസ്.എഫ് പ്രവര്‍ത്തകരാണ് തങ്ങളെ ആക്രമിച്ചതെന്ന് എസ്.എഫ്.ഐ പ്രവര്‍ത്തകരും ആരോപിച്ചു. യൂനിയന്‍ തെരഞ്ഞെടുപ്പുമായി ബന്ധപ്പെട്ടാണ് സംഘര്‍ഷമുണ്ടായത്.