തൃക്കരിപ്പൂര്‍: കോറസ് കലാസമിതിയുടെ നേതൃത്വത്തില്‍ അഞ്ചാമത് എന്‍.എന്‍ പിള്ള നാടകോത്സവവും പ്രഥമ എന്‍.എന്‍ പിള്ള ചലചിത്ര അവാര്‍ഡു വിതരണവും മാണിയാട്ടു നടക്കും.
നവംബര്‍ 14 മുതല്‍ 22 വരെയാണു സംസ്ഥാന പ്രൊഫഷണല്‍ നാടക മത്സരം സംഘടിപ്പിക്കുന്നത്. എട്ടു നാടകങ്ങള്‍ അരങ്ങേറും.
സംഘാടക സമിതി രൂപീകരണയോഗത്തില്‍ വി അനൂപ് കുമാര്‍ അധ്യക്ഷനായി. ടി.വി ബാലന്‍, എം.വി കോമന്‍ നമ്പ്യാര്‍, സി നാരായണന്‍, വാസു ചോറോട്, ടി.വി നളിനി, പി.പി കുഞ്ഞികൃഷ്ണന്‍, ഗംഗന്‍ ആയിറ്റി, പി.പി ഉണ്ണികൃഷ്ണന്‍, സി വിജയന്‍, അജയന്‍ നടക്കാവ്, യു.കെ രാഘവന്‍, എം പ്രകാശന്‍, എം.വി നന്ദികേഷ്, കെ ലക്ഷ്മണന്‍ സംസാരിച്ചു. ടി.വി നന്ദകുമാര്‍ സ്വാഗതവും കെ സുരേഷ് നന്ദിയും പറഞ്ഞു.
ഭാരവാഹികള്‍: കെ കുഞ്ഞിരാമന്‍ (ചെയര്‍മാന്‍), എം.വി കോമന്‍ നമ്പ്യാര്‍ (വര്‍ക്കിങ് ചെയര്‍മാന്‍), ടി.വി ബാലന്‍ (ജനറല്‍ കണ്‍വീനര്‍), ടി.വി നന്ദകുമാര്‍ (കണ്‍വീനര്‍).