ചട്ടഞ്ചാല്‍: ലോകാധ്യാപക ദിനത്തോടനുബന്ധിച്ച് എം.ഐ.സി ദഅ്‌വാ കോളജ് വിദ്യാര്‍ഥി യൂനിയന്‍ എ.എസ്.യു അധ്യാപക ദിനാഘോഷം സംഘടിപ്പിച്ചു. നീണ്ട വര്‍ഷത്തോളം അധ്യാപക ജീവിതം നയിച്ച എം.ഐ.സി ദഅ്‌വാ കോളജ് പ്രിന്‍സിപ്പല്‍ യു.എം അബ്ദുറഹ്മാന്‍ മൗലവി, ദാറുല്‍ ഇര്‍ഷാദ് അക്കാദമി പ്രിന്‍സിപ്പല്‍ ഇബ്രാഹിം കുട്ടി ദാരിമി, ഹൈസ്‌ക്കൂള്‍ പ്രധാനധ്യാപകന്‍ അഷ്‌റഫ്, ആര്‍ട്ട്‌സ് ആന്‍ഡ് സയന്‍സ് കോളജ് സീനിയര്‍ അധ്യാപകന്‍ തോമസ്, ഹയര്‍ സെക്കന്‍ഡറി അധ്യാപകന്‍ മുസ്തഫ ഹുദവി എന്നിവര്‍ അനുഭവങ്ങള്‍ പങ്കുവച്ചു.
യൂനിയന്‍ ഭാരവാഹികള്‍ അധ്യാപകര്‍ക്ക് ഉപഹാരങ്ങള്‍ സമര്‍പ്പിച്ചു. മഹാകവി വള്ളത്തോളിന്റെ എന്റെ ഗുരുനാഥന്‍ എന്ന കവിത പ്രദര്‍ശിപ്പിച്ചുകൊണ്ടായിരുന്നു ചടങ്ങ് ആരംഭിച്ചത്. നൗഫല്‍ ഹുദവി,അസ്മത്തുള്ള ഹുദവി,നവാസ് ഹുദവി,ഷഫീഖ് ഹുദവി,സുഹൈല്‍ ഹുദവി,സിദ്ദീഖ് ഹുദവി,റംഷീദ് ഇ.കെ,സിദ്ദീഖ് തൈര,മുനവ്വിര്‍ കല്ലൂരാവി തുടങ്ങിയവര്‍ സംബന്ധിച്ചു.
പെരിയ: കേരള കേന്ദ്ര സര്‍വകലാശാലയില്‍ കംപ്യൂട്ടര്‍ സയന്‍സ് വിഭാഗത്തിന്റെ നേതൃത്വത്തില്‍ അന്താരാഷ്ട്ര അധ്യാപകദിനം ആഘോഷിച്ചു. ഗവേഷണ വിഭാഗം മേധാവി പ്രൊഫ.(ഡോ.) എം.എസ് ജോണ്‍ ഉദ്ഘാടനം ചെയ്തു. കംപ്യൂട്ടര്‍ സയന്‍സ് മേധാവി ഡോ.ആര്‍ രാജേഷ്, അധ്യാപകരായ ഡോ. ടി.എം തസ്ലീമ, മനോഹര്‍ നായക് സംബന്ധിച്ചു.