തളിപ്പറമ്പ് : തളിപ്പറമ്പ് മണ്ഡലം സുന്നി യുവജന സംഘം സാരഥി സംഗമം ഇന്ന് വൈകുന്നേരം മൂന്നിന് തളിപ്പറമ്പ് ഇസ്‌ലാമിക് സെന്ററില്‍ നടക്കും. ഓരോ ശാഖയില്‍ നിന്നും തെരഞ്ഞെടുക്കപ്പെട്ട പ്രതിനിധികള്‍ പങ്കെടുക്കുന്ന സംഗമത്തില്‍ സുന്നിയുവജനസംഘം ജില്ലാ പ്രസിഡണ്ട് അഹ്മദ് തേര്‍ളായി, ജനറല്‍ സെക്രട്ടറി ഇബ്രാഹിം ബാഖവി പൊന്ന്യം എന്നിവര്‍ വിഷയവിവരണം നടത്തും. സുലൈമാന്‍ ഫൈസിയുടെ അധ്യക്ഷതയില്‍ കെ.കെ മുഹമ്മദ് ദാരിമി അരിയില്‍ ഉദ്ഘാടനം ചെയ്യും. എസ്.വൈ.എസ്, മാനേജ്‌മെന്റ് അസോസിയേഷന്‍, ജംഇയ്യത്തുല്‍ മുഅല്ലിമിന്‍, എസ്.കെ.എസ്.എസ്.എഫ് നേതാക്കള്‍ സംബന്ധിക്കും.