അഹമ്മദാബാദ്:ഗുജറാത്തിലെ പോര്‍ബന്തറില്‍ നാവികസേനാ ആസ്ഥാനത്തിനു സമീപം സ്‌ഫോടനമുണ്ടായതായി റിപ്പോര്‍ട്ട്. സ്ഫോടന ശബ്ദം കേട്ടതിനെ തുടര്‍ന്ന് പ്രദേശത്ത് കനത്ത ജാഗ്രതാ നിര്‍ദ്ദേശം നല്‍കിയിരിക്കുകയാണ്.

ഇന്ന് രാവിലെ 9 മണിയോടെയാണ് വന്‍ സ്‌ഫോടന ശബ്ദം കേട്ടത്. ശബ്ദം കേട്ട ഉടന്‍ തന്നെ സുരക്ഷാ ഉദ്യോഗസ്ഥന്‍ മുതിര്‍ന്ന ഉദ്യോഗസ്ഥരെ വിവരമറിയിച്ചു. എന്നാല്‍ ഇത് ബോംബ് സ്‌ഫോടനമാണെന്ന കാര്യം സ്ഥിരീകരിച്ചിട്ടില്ല.

നാവികസേനാ ആസ്ഥാനത്തു നടത്തിയ തെരച്ചില്‍ സംശയകരമായ സാഹചര്യത്തില്‍ ഒന്നും കണ്ടെത്താനായിട്ടില്ലെന്നും പൊലിസ് പറഞ്ഞു.