മുക്കം: തെച്ചിയാട് അല്‍ ഇര്‍ശാദ് ആര്‍ട്‌സ് ആന്റ് സയന്‍സ് വുമണ്‍സ് കോളജില്‍ സൈക്കോളജി വിഭാഗത്തിന്റെ ആഭിമുഖ്യത്തില്‍ മന:ശാസ്ത്ര സെമിനാര്‍ സംഘടിപ്പിച്ചു.
പ്രശസ്ത പാരാ സൈക്കോളജിസ്റ്റും ഹോളി ഗ്രേറ്റീവ് സൈക്കോളജിയുടെ ആവിഷ്‌കര്‍ത്താവും കേരള സര്‍വകലാശാല മുന്‍ മന:ശാസ്ത്ര വിഭാഗം മേധാവിയുമായ ഡോ: വി.ജോര്‍ജജ് മാത്യു സെമിനാറിന് നേതൃത്വം നല്‍കി.  
അല്‍ഫോണ്‍സ ആര്‍ട്‌സ് ആന്റ് സയന്‍സ് കോളജ് തിരുവമ്പാടി, എം.ഇ.എസ് ആര്‍ട്‌സ് ആന്റ് സയന്‍സ് കോളജ് ,സില്‍വര്‍ ആര്‍ട്‌സ് ആന്റ് സയന്‍സ് കോളജ് പേരാമ്പ്ര,
 മര്‍ക്കസ് ആര്‍ട്‌സ് ആന്റ് സയന്‍സ് കോളജ് കാരന്തൂര്‍ തുടങ്ങി വിവിധ കോളജുകളില്‍ നിന്നുള്ള തിരഞ്ഞെടുക്കപ്പെട്ട നൂറോളം വിദ്യാര്‍ത്ഥികള്‍ പങ്കെടുത്തു.
 അല്‍ ഇര്‍ശാദ് ചെയര്‍മാന്‍ സി.കെ ഹുസൈന്‍ നീബാരി സെമിനാര്‍ ഉദ്ഘാടനം ചെയ്തു. സെക്രട്ടറി വി.ഉസൈന്‍ മേപ്പള്ളി,
ഡോ: സെബാസ്റ്റ്യന്‍ ജേക്കബ് ആശംസകളര്‍പ്പിച്ചു. പ്രിന്‍സിപ്പല്‍ സെബാസ്റ്റ്യന്‍ തോമസ് സ്വാഗതവും മുഹമ്മദ് നിയാസ് നന്ദിയും പറഞ്ഞു.