കോഴിക്കോട്: പ്രകൃതിയുടെ മടിത്തട്ടില്‍ നിന്ന് കുഞ്ഞുചിത്രകാരന്മാര്‍ ഒപ്പിയെടുത്ത് കാന്‍വാസിലാക്കിയ ചിത്രങ്ങളുടെ പ്രദര്‍ശനം ആര്‍ട്ട് ഗാലറിയില്‍ ആരംഭിച്ചു. മലപ്പുറം വാഴയൂരിലെ ഹൊറൈസണ്‍ ചിത്രകലാ സ്‌കൂളിലെ വിദ്യാര്‍ഥികളുടെ 'കളേഴ്‌സ് ഓഫ് ഹൊറൈസണ്‍' ചിത്രപ്രദര്‍ശനമാണ് കലാപ്രേമികളെ ആകര്‍ഷിക്കുന്നത്. നാലാം ക്ലാസ് മുതല്‍ ഏഴാം ക്ലാസുവരെയുള്ള 32 കുട്ടികളുടെ 43 ചിത്രങ്ങളാണ് പ്രദര്‍ശനത്തിനുള്ളത്. കോഴിക്കോട്ടെ ചിത്രകലാ പരിശീലന സ്ഥാപനമായ ചിത്രരേഖ ആര്‍ട്ട് സൊലുഷ്യന്‍സ് ആണ് പ്രദര്‍ശനം സംഘടിപ്പിക്കുന്നത്.
ടാനിയ ആദര്‍ശ്, ഫാത്തിമ ലെന, നജ്മ സ്‌നേഹ, ഹനീന്‍, നൈഷ മുജീബ്, ഖദീജ ഹന, ലെഹ്‌സ അഹ്‌റ, ഫാത്തിമ ഹസ്‌ന, നിവേദ, മാളവിക, ഹൈഫ സുബൈദ, പാരിഷി ഷാ, ഫിദ്ബി മുഹമ്മദ്, ആനന്ദ് നമ്പ്യാര്‍, ജൂന ഫാത്തിമ, ടാനിഷ, ലക്ഷ്മി വിനീഷ്, ആര്യന്‍, ഗസാന്‍ നസീര്‍, ആബിദ് അലി, സാക്കിഫ് അബിലാഷ്, റീംനാസ്, മാസിന്‍ മുഹമ്മദ്, സാറാ സബീര്‍, ആദിത്യ ശാസ്ത, അദ്വൈത് നമ്പ്യാര്‍, ഹമീസ് മുഹമ്മദ്, ഫദില്‍, ഹലീമ എയ്മാന്‍, റസാന്‍ മുഹമ്മദ്, നൈസാ മറിയം, ഫദ്മ മന്‍സൂര്‍ എന്നിവരാണ് പ്രകൃതിദൃശ്യങ്ങള്‍ പകര്‍ത്തിയ കുട്ടിക്കലാകാരന്മാര്‍. പ്രദര്‍ശനം പ്രമുഖ ജലച്ഛായ ചിത്രകാരന്‍ സദു അലിയൂര്‍ ഉദ്ഘാടനം ചെയ്തു.
പ്രേമദാസ് ഇരുവള്ളൂര്‍, ചിത്രരേഖ ഡയറക്ടര്‍ എം. വിജി, ദീപ്തി രഞ്ജു, സൈറ തോമസ് പങ്കെടുത്തു. പ്രദര്‍ശനം 11ന് സമാപിക്കും.