മേപ്പാടി: അരപ്പറ്റയിലെ തേയിലത്തോട്ടത്തില്‍ വച്ച് യുവതിയെ കടന്നുപിടിക്കുകയും പീഡിപ്പിക്കാന്‍ ശ്രമിക്കുകയും ചെയ്ത സംഭവത്തില്‍ പ്രതിയെ പിടികൂടാന്‍ കഴിഞ്ഞില്ല. ബുധനാഴ്ച വൈകിട്ട് ഏഴോടെയാണ് 28 കാരിയായ യുവതിക്കുനേരെ ആക്രമണമുണ്ടായത്. ജോലി കഴിഞ്ഞു വീട്ടിലേക്ക് നടന്നുപോവുകയായിരുന്ന യുവതി പിന്തുടര്‍ന്നെത്തിയ യുവാവ് യുവതിയെ കടന്നുപിടിക്കുകയും തേയില തോട്ടത്തിലേക്ക് തള്ളിയിടുകയും ചെയ്തു. പ്രതിയുടെ കൈയില്‍ യുവതി കടിച്ചതോടെ കല്ലെടുത്ത് യുവതിയുടെ തലയ്ടിക്കാന്‍ ശ്രമിച്ചു. ബഹളംകേട്ട നാട്ടുകാര്‍ ഓടിയെത്തിയപ്പോഴേക്കും പ്രതി രക്ഷപ്പെട്ടിരുന്നു.