ചക്കരക്കല്‍: അഞ്ചരക്കണ്ടി ഫാര്‍മേഴ്‌സ് സര്‍വിസ് ബാങ്കിന്റെ നാളികേര സംസ്‌കരണ സമുച്ഛയം മുഴപ്പാല ആനേനിമെട്ടയില്‍ മുഖ്യമന്ത്രി പിണറായി വിജയന്‍ ഉദ്ഘാടനം ചെയ്തു. പി.കെ ശ്രീമതി എം.പി അധ്യക്ഷയായി. വെര്‍ജിന്‍ കോക്കനട്ട് ഓയില്‍ യൂനിറ്റ് കെ.കെ രാഗേഷ് എം.പിയും കോക്കനട്ട് കട്ടിങ്ങ് യൂനിറ്റ് ജില്ലാ പഞ്ചായത്ത് പ്രസിഡന്റ് കെ.വി സുമേഷും ഉദ്ഘാടനം ചെയ്തു. എക്‌സ്പില്ലര്‍ യൂനിറ്റ് നബാര്‍ഡ് ചീഫ് ജനറല്‍ മാനേജര്‍ വി.ആര്‍ രവീന്ദ്രനാഥും ഡ്രയര്‍ യൂനിറ്റ് പി ജയരാജനും കോക്കനട്ട് പൗഡര്‍ യൂനിറ്റ് മുന്‍ എം.എല്‍.എ കെ.കെ നാരായണനും സ്വിച്ച് ഓണ്‍ ചെയ്തു. പാക്കിങ്ങ് യൂനിറ്റ് ഉദ്ഘാടനം ബ്ലോക്ക് പഞ്ചായത്ത് പ്രസിഡന്റ് കെ.കെ രാജീവന്‍ നിര്‍വഹിച്ചു. ടി.വി. സീത, എ അബ്ദുല്‍ റഷീദ്, വി മുഹമ്മദ് നൗഷാദ്, എസ്.എസ് നാഗേഷ്, പി.വി ഉമേഷ്, എം.കെ ദിനേശ് ബാബു, ഇ രാജേന്ദ്രന്‍, എന്‍ ചന്ദ്രന്‍, കെ ഭാസ്‌കരന്‍, പി.കെ ശബരീഷ് കുമാര്‍, സി.എന്‍ ചന്ദ്രന്‍, പി മുകുന്ദന്‍ സംസാരിച്ചു.