മട്ടന്നൂര്‍:സി.ബി.എസ്.ഇ നോര്‍ത്ത് സോണ്‍ കലോല്‍സവം ഇന്ന് മട്ടന്നൂര്‍ ശങ്കര വിദ്യാപീഠത്തില്‍ വച്ച് നടത്തും. മേളയുടെ ഒരുക്കങ്ങള്‍ പൂര്‍ത്തിയായതായി സംഘാടകര്‍ വാര്‍ത്താസമ്മേളനത്തില്‍ പറഞ്ഞു.
കണ്ണൂര്‍ കാസര്‍കോട് ജില്ലകളില്‍ 70 സ്‌കൂളുകളില്‍നിന്നായി 120 കലാകാരന്‍മാര്‍ പങ്കെടുക്കും. രണ്ടു ഇനങ്ങളായ മോണോആക്ട്, മിമിക്രി എന്നീ മല്‍സരങ്ങള്‍ മാത്രമാണ് മട്ടന്നൂരില്‍ നടത്തുക. മറ്റു മല്‍സരങ്ങള്‍ വിവിധ സ്‌കൂളുകളില്‍ നടക്കും. അഞ്ച്, ആറ് തീയ്യതികളിലായിട്ടാണ് കലോല്‍സവം. ഇന്ന് രാവിലെ 9.30ന് ആരംഭിക്കും. അഞ്ച് മണിക്ക് പരിപാടി സമാപിക്കും. വാര്‍ത്താസമ്മേളനത്തില്‍ സി.എം.ബാലകൃഷ്ണന്‍, കെ കുഞ്ഞികൃഷ്ണന്‍, പി.എ ശീധരന്‍, ടി.ആര്‍ ഗോപി എന്നിവര്‍ പങ്കെടുത്തു.