തേഞ്ഞിപ്പലം: കാലിക്കറ്റ് സര്‍വകലാശാലാ ഹയര്‍ സെക്കന്‍ഡറി സ്‌കൂളില്‍ ഹിന്ദി സാഹിത്യ മഞ്ചിന്റെയും ഗാന്ധി ദര്‍ശന്‍ സമിതിയുടെയും സംയുക്താഭിമുഖ്യത്തില്‍ സംഘടിപ്പിച്ച ഗാന്ധി ജയന്തി ആഘോഷവും ഹിന്ദി വാരാഘോഷ സമാപനവും സംസ്ഥാന ഇംഗ്ലീഷ് മാസ്റ്റര്‍ ട്രെയിനി കെ. പ്രവീണ്‍ കുമാര്‍ ഉദ്ഘാടനം ചെയ്തു. സംസ്‌കൃതി സമിതി കാര്യദര്‍ശി ഒ. മനോജ് അധ്യക്ഷനായി.
ഇ. പത്മനാഭ വാര്യര്‍ മുഖ്യപ്രഭാഷണം നടത്തി. സുഗമ ഹിന്ദി പരീക്ഷയുടെ സര്‍ട്ടിഫിക്കറ്റുകള്‍ പി.ടി.എ പ്രസിഡന്റ് തോമസ് മാളിയേക്കല്‍ വിതരണം ചെയ്തു.
    രവീന്ദ്രന്‍ കച്ചീരി, പ്രേമരാജന്‍, അഞ്ജലി മേനോന്‍, ആര്‍ സുന്ദര്‍രാജ് സംസാരിച്ചു. ഹിന്ദി പുസ്തക പ്രദര്‍ശനവും ചാര്‍ട്ട് പ്രദര്‍ശനവും ഉണ്ടായിരുന്നു.