കൊച്ചി: സ്വാശ്രയ എന്‍ജിനീയറിങ് മേഖലയിലെ അധ്യാപകരുടെ നിലവാരം ഉയര്‍ത്തുകയെന്ന ലക്ഷ്യത്തോടെ കെ.എസ്.എഫ്.ഇ.സി.എം.എ അക്കാദമിക്ക് സ്റ്റാഫ് കോളജ് ആരംഭിക്കുന്നു.
നാളെ രാവിലെ പത്തിന് മന്ത്രി പ്രൊഫ.സി രവീന്ദ്രനാഥ് നെടുമ്പാശ്ശേരി ഹോട്ടല്‍ ഫ്‌ലോറയില്‍ ഉദ്ഘാടനം ചെയ്യുമെന്ന് സംഘാടകര്‍ വാര്‍ത്താ സമ്മേളനത്തില്‍ അറിയിച്ചു.
എ.പി.ജെ അബ്ദുള്‍ കലാം ടെക്‌നോളജിക്കല്‍ യൂനിവേഴ്‌സിറ്റി വൈസ് ചാന്‍സിലര്‍ ഡോ. കുഞ്ചറിയ പി ഐസക്ക് മുഖ്യ പ്രഭാഷണം നടത്തും. അക്കാദമിക്ക് സ്റ്റാഫ് കോളജ് ലോഗോ പ്രകാശനം എ.ഐ.സി.ടി.ഇ ഡയറക്ടര്‍ അഡ്മിനിസ്‌ട്രേറ്റര്‍ ഡോ. മണ്‍പ്രീത് സിംഗ് മന്ന നിര്‍വഹിക്കും. ഡോ. അച്യുത്ശങ്കര്‍ എസ് നായര്‍, ജോര്‍ജ്ജ് പോള്‍ വിവിധ വിഷയങ്ങളില്‍ ക്ലാസെടുക്കും.
പ്രൊഫ പി.ഒ.ജെ ലെബ്ബയും ഷെവലിയാര്‍ പ്രൊഫ ജോറി മത്തായി എന്നിവരാണ് അക്കാദമിക്ക് സ്റ്റാഫ് കോളജിന് നേതൃത്വം വഹിക്കും. കേരള സെല്‍ഫ് ഫിനാന്‍സിങ് എന്‍ജിനീയറിങ് കോളജ് മാനേജ്‌മെന്റ്‌സ് അസോസിയേഷന്‍ പ്രസിഡന്റ് പ്രൊഫ.കെ ശശികുമാര്‍, സെക്രട്ടറി കെ.എം മൂസ, ചെയര്‍മാന്‍ പ്രൊഫ. പി.ഒ.ജെ ലെബ്ബ എന്നിവര്‍ വാര്‍ത്താ സമ്മേളനത്തില്‍ പങ്കെടുത്തു.