മലപ്പുറം: മുസ്‌ലിംലോകത്തിന്റെ പുതുവത്സരമായ ഹിജ്‌റ ത്യാഗത്തിന്റെ വിശ്വാസമാതൃകയാണ് സമൂഹത്തിനു പകരുന്നതെന്ന് എസ്.കെ.എസ്.എസ്.എഫ് ജില്ലാ പ്രസിഡന്റ് സയ്യിദ് ഫഖ്‌റുദ്ദീന്‍ തങ്ങള്‍ പറഞ്ഞു. എസ്.കെ.എസ്.എസ്.എഫ് ത്വലബ വിങ് ജില്ലാ കമ്മിറ്റി സംഘടിപ്പിച്ച ഹിജ്‌റ സംഗമം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
ഒടമല ഫരീദുദ്ദീന്‍ ഔലിയ മെമ്മോറിയല്‍ ദഅ്‌വാ കോളേജില്‍ നടന്ന പരിപാടിയില്‍ എസ്.കെ.എസ്.എസ്.എഫ് ജില്ലാ വൈസ് പ്രസിഡന്റ് ശമീര്‍ ഫൈസി ഒടമല അധ്യക്ഷനായി. സി. ഹംസ മേലാറ്റൂര്‍ വിഷയാവതരണം നടത്തി. സലീം കരിങ്കല്ലത്താണി, ഫൈറൂസ് ഫൈസി ഒറവംപുറം, അഷ്‌റഫ് അന്‍വരി, ഫാറൂഖ് ഹുദവി, സി.പി അഷ്‌റഫ്, ഉവൈസ് പതിയാങ്കര, ജുറൈജ് കണിയാപുര, റഫീഖ് നെല്ലിക്കുത്ത്, മുഈനുദ്ദീന്‍ വളയംകുളം, ജുനൈദ് പാണ്ടിക്കാട്, അബ്ദുല്‍ഖാദര്‍ അരിപ്ര, മുബഷിര്‍ നാട്ടുകല്‍, മുജ്തബ ആനക്കര, റഹീം പകര സംസാരിച്ചു.