ചെറുതുരുത്തി: പള്ളം പാടശേഖരത്തിലെ അനധികൃത നിര്‍മാണ പ്രവര്‍ത്തനങ്ങള്‍  നിര്‍ത്തിവക്കാന്‍ വള്ളത്തോള്‍ നഗര്‍ പഞ്ചായത്ത് സ്റ്റോപ്പ് മെമ്മോ നല്‍കി. പാടശേഖരത്തിലെ അനധികൃത നിര്‍മാണം പൊളിച്ച് നീക്കണമെന്ന് ആവശ്യപ്പെട്ട് പാടശേഖര സമിതിയുടെ നേതൃത്വത്തില്‍ കര്‍ഷകര്‍ പ്രക്ഷോഭം ആരംഭിച്ചിരുന്നു. സമിതി ഭാരവാഹികള്‍ വള്ളത്തോള്‍നഗര്‍ പഞ്ചായത്തിലും കൃഷി ഭവനിലും പരാതി നല്‍കി. സ്ഥലം പരിശോധിച്ച പഞ്ചായത്ത് അധികൃതര്‍ നിര്‍മ്മാണ പ്രവര്‍ത്തനങ്ങള്‍ നിര്‍ത്തിവെക്കണമെന്ന് ആവശ്യപ്പെട്ട് സ്റ്റോപ്പ് മെമ്മോ നല്‍കുകയായിരുന്നു.