തൃശ്ശൂര്‍/തിരുവനന്തപുരം: സംസ്ഥാനത്ത് രണ്ടിടങ്ങളിലുണ്ടായ വാഹനാപകടങ്ങളില്‍ നാലു പേര്‍ മരിച്ചു. തൃശ്ശൂരിലും തിരുവനന്തപുരത്തുമാണ് അപകടങ്ങള്‍.

തൃശ്ശൂരില്‍ കാര്‍ നിയന്ത്രണംവിട്ട് ബസ് സ്റ്റോപ്പിലേക്ക് പാഞ്ഞുകയറിയാണ് മൂന്നു പേര്‍ മരിച്ചത്. പരപ്പൂര്‍ സ്വദേശികളായ അരവിന്ദാക്ഷന്‍, മിഷേല്‍ എന്നിവരാണ് മരിച്ചത്. മരിച്ചവരില്‍ ഒരാളെ തിരിച്ചറിഞ്ഞിട്ടില്ല. ബസ് കാത്തുനിന്നവരുടെ ഇടയിലേക്ക് വാഹനം നിയന്ത്രണംവിട്ട് പാഞ്ഞുകയറുകയായിരുന്നു. തൃശ്ശൂര്‍ അമല ആശുപത്രിക്ക് സമീപമാണ് സംഭവം. ഡ്രൈവറെ പൊലിസ് കസ്റ്റഡിയിലെടുത്തു. അപകടത്തില്‍ ഒമ്പത് പേര്‍ക്ക് പരുക്കേറ്റു. ഇതില്‍ രണ്ടാളുടെ നില ഗുരുതരമാണ്.

തിരുവനന്തപുരത്ത് ലോറി തോട്ടിലേക്ക് മറഞ്ഞാണ് ഒരാള്‍ മരിച്ചത്. തമിഴ്‌നാട്ടുകാരനായ വില്‍സണ്‍ ആണ് മരിച്ചത്. രാവിലെ ആറരയോടെയാണ് സംഭവം. അപകടത്തില്‍ ഒരാള്‍ക്ക് ഗുരുതരമായി പരുക്കേറ്റു. ഇയാളെ തിരുവനന്തപുരം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.