മഞ്ചേരി: ബൈക്ക് മറിഞ്ഞ് രണ്ട് യുവാക്കള്‍ മരിച്ചു. ഇടുക്കി അടിമാലി സ്വദേശി ആനച്ചാല്‍ പുത്തന്‍വീട്ടില്‍ ജോയിയുടെ മകന്‍ മിഥുന്‍ (21), കോട്ടയം വൈക്കംചെമ്പ് സ്വദേശി ചിലാരിപ്പടം ചന്ദ്രന്റെ മകന്‍ ഭഗത്ചന്ദ്രന്‍ (17) എന്നിവരാണ് മരിച്ചത്.

ശനിയാഴ്ച വൈകീട്ട് ആറിന് മഞ്ചേരി നഗരസഭാ കാര്യാലയത്തിനു സമീപമാണ് അപകടം. എറണാകുളത്തെ സ്വകാര്യ സ്ഥാപനത്തിലെ ഗ്രാഫിക്ക് ഡിസൈനിങ് വിദ്യാര്‍ഥികളായ ഇവര്‍ സുഹൃത്തിനെ കാണായി മഞ്ചേരി നറുകരയിലെത്തിയതായിരുന്നു.

ബൈക്കിന്റെ തകരാര്‍ പരിഹരിക്കാനായി നറുകരയില്‍ നിന്ന് മഞ്ചേരിയിലേക്ക് വരുന്നതിനിടെയാണ് അപകടമുണ്ടായത്. വീഴ്ചയുടെ ആഘാതത്തില്‍ ഗുരുതരമായി പരുക്കേറ്റ ഇവര്‍ തല്‍ക്ഷണം മരിച്ചു. മൃതദേഹം മഞ്ചേരി മെഡി.കോളജ് മോര്‍ച്ചറിയില്‍ സൂക്ഷിച്ചിരിക്കുകയാണ്.