ഈരാറ്റുപേട്ട: മുന്‍സിപ്പാലിറ്റിയുടെ അധീനതയിലുള്ള ഗവ. മുസ്‌ലിം എല്‍.പി സ്‌കൂള്‍ വളപ്പില്‍ സ്ഥിതി ചെയ്യുന്ന അപകടാവസ്ഥയിലുള്ള കെട്ടിടം പൊളിച്ചുനീക്കുന്നില്ലെന്നു പരാതി. 20 വര്‍ഷം മുന്‍പ് ബ്ലോക്ക് റിസോര്‍സ് സെന്ററിനു വേണ്ടി നിര്‍മ്മാണം നടത്തിയ കെട്ടിടം കരാറുകാരന്‍ പണി പൂര്‍ത്തിയാക്കാതെ ഉപേക്ഷിച്ചു പോയതാണ്.
ഈ കെട്ടിടത്തില്‍ ഇപ്പോള്‍ വിഷജന്തുക്കളുടെ വിഹരകേന്ദ്രമാണ്. ഇഷ്ടികളും മറ്റും അടര്‍ന്നു വീഴുന്നതും പതിവാണ്. ഈ കെട്ടിടത്തിന് സമീപത്ത് ക്ലാസുറൂമുകള്‍ സ്ഥിതി ചെയ്യുന്നു. നുറുക്കണക്കിന് പിഞ്ചു കുട്ടികള്‍ പഠിക്കുന്ന സ്‌കൂളില്‍ ഈ കെട്ടിടം പൊളിച്ചുനീക്കണമെന്നു പി.ടി.എ അധികൃതരോട് ആവശ്യപ്പെട്ടിട്ടുംഇതുവരെയും യാതൊരു നടപടിയും സ്വീകരിക്കുന്നില്ലെന്ന് രക്ഷിതാക്കള്‍ പരാതിപെടുന്നു.
അതു കൂടാതെ അപകടാവസ്ഥയിലായനിരവധി വന്‍വൃക്ഷങ്ങള്‍ ഈ സ്‌കൂള്‍ വളപ്പിലുണ്ട.് അതും വെട്ടിമാറ്റണമെന്ന് മുന്‍സിപ്പല്‍ അധികൃതരോട് ആവശ്യപ്പെട്ടിട്ടും നടപടിയൊന്നും സ്വീകരിച്ചിട്ടില്ലായെന്ന് രക്ഷിതാക്കള്‍ പറയുന്നു.കഴിഞ്ഞ മാസം വൈകുന്നേരം ഏഴിനു സ്‌കൂള്‍ വളപ്പിലെ ഒരു വന്‍മരം കടപുഴകി വീണിരുന്നു. സ്‌കൂള്‍ സമയമല്ലാത്തതിനാല്‍ വന്‍ ദുരന്തം ഒഴിവായി.