ഹരിപ്പാട്: നങ്ങ്യാര്‍കുളങ്ങര ഗവണ്‍മെന്റ യു.പി സ്‌കൂളിലേക്ക് യു.കെ. കേന്ദ്രമായി പ്രവര്‍ത്തിക്കുന്ന വിദ്യാര്‍ത്ഥികളുടെ സംഘടനയായ വേള്‍ഡ് ചലഞ്ച് ഓര്‍ഗനൈസേഷനിലെ വിദേശ വിദ്യാര്‍ത്ഥികള്‍ ശ്രമദാനത്തിലൂടെ പണി പൂര്‍ത്തീകരിച്ച ഡയനിംഗ് ഹാള്‍ സ്‌കൂളിന് സമര്‍പ്പിച്ചതിന്റെ ഉദ്ഘാടനം ഓര്‍ഗനൈസേഷന്‍ ചെയര്‍പേഴ്‌സണ്‍ ബഥാനിപാര്‍ നിര്‍വ്വഹിച്ചു.
ഹരിപ്പാട് മുന്‍സിപ്പല്‍ ചെയര്‍പേഴ്‌സണ്‍ പ്രൊഫ.സുധാസുശീലന്‍ അദ്ധ്യക്ഷയായി. മുന്‍സിപ്പല്‍ കൗണ്‍സില്‍മാരായ കെ.എം.രാജു, കാട്ടില്‍ സത്താര്‍, എസ്.എം.സി ചെയര്‍മാന്‍ ഇല്ലത്ത് ശ്രീകുമാര്‍, സ്‌കൂള്‍ പ്രഥമ അദ്ധ്യാപിക കെ.എന്‍. രഞ്ജന, രാജീവ്, ഓര്‍ഗനൈസേഷന്‍ സംസ്ഥാന കോര്‍ഡിനേറ്റര്‍മാരായ രവി, ബിജു എന്നിവര്‍ സംസാരിച്ചു.
വിദേശ വിദ്യാര്‍ത്ഥികള്‍ക്ക് സ്‌കൂള്‍ മാനേജ്‌മെന്റ് കമ്മറ്റി കേരളീയ വസ്ത്രങ്ങള്‍ നല്‍കി ആദരിച്ചു.