കുട്ടനാട്: ജെ.സി.ഐ. എടത്വ ചാപ്റ്റര്‍ ഗാന്ധി അനുസ്മരണവും ഗാന്ധിയന്‍ ക്വിസ് മത്സരവും നടത്തി. ചമ്പക്കുളം ബ്ലോക്ക് പഞ്ചായത്ത് പ്രസിഡന്റ് പോളി തോമസ് ഉദ്ഘാടനം നിര്‍വഹിച്ചു. പ്രസിഡന്റ് ഡോ. വിനോദ് കൃഷ്ണന്‍ നമ്പൂതിരി അധ്യക്ഷത വഹിച്ചു. ജോസുകുട്ടി സെബാസ്റ്റ്യന്‍ ക്വിസ് മത്സരം നയിച്ചു.
തലവടി വിദ്യാഭ്യാസ ഉപജില്ലയിലെ ഹൈസ്‌കൂള്‍ കുട്ടികള്‍ക്കായി സംഘടിപ്പിച്ച മത്സരത്തില്‍ നീരേറ്റുപുറം സെന്റ് തോമസ് ഹയര്‍ സെക്കന്ററി സ്‌കൂള്‍ ഒന്നാം സ്ഥാനവും എടത്വ സെന്റ് മേരീസ് ഹൈസ്‌കൂള്‍ രണ്ടാം സ്ഥാനവും പച്ച ലൂര്‍ദ്ദ് മാതാ ഹയര്‍ സെക്കന്ററി സ്‌കൂള്‍ മൂന്നാം സ്ഥാനവും കരസ്ഥമാക്കി. വിജയികള്‍ക്കുള്ള ക്യാഷ് അവാര്‍ഡും പ്രശസ്തി പത്രവും എടത്വ സൗത്ത് ഇന്‍ഡ്യന്‍ ബാങ്ക് മാനേജര്‍ ജോബിമോന്‍ ജോസഫ് വിതരണം ചെയ്തു. സിജോ ദേവസ്യ, മാത്യൂസ് ദേവസ്യ ചന്ദ്രത്തില്‍ സംസാരിച്ചു.