ആലപ്പുഴ: ഫിഷറീസ് വകുപ്പ് മത്സ്യത്തൊഴിലാളികള്‍ക്കായി നടപ്പാക്കുന്ന വിവിധ ക്ഷേമപ്രവര്‍ത്തനങ്ങളെക്കുറിച്ച് ഏകദിന ബോധവല്‍ക്കരണ പരിപാടി നടത്തി.
തൈക്കാട്ടുശ്ശേരി ബ്ലോക്ക് പഞ്ചായത്ത് കോണ്‍ഫറന്‍സ് ഹാളില്‍ നടത്തിയ ബോധവല്‍ക്കരണ ക്ലാസ് തൈക്കാട്ടുശ്ശേരി ബ്ലോക്ക് പഞ്ചായത്ത് പ്രസിഡന്റ് നിര്‍മ്മല ശെല്‍വരാജ് ഉദ്ഘാടനം ചെയ്തു. പാണാവള്ളി പഞ്ചായത്ത് പ്രസിഡന്റ് രാജേഷ് വിവേകാനന്ദന്‍ അധ്യക്ഷത വഹിച്ചു. ഫിഷറീസ് ഡെപ്യൂട്ടി ഡയറക്ടര്‍ എം.എസ്. സാജു, അസിസ്റ്റന്റ് ഡയറക്ടര്‍ വിജിരാജ്, ഡെവലപ്‌മെന്റ് ഓഫീസര്‍ ബി. ഷാനവാസ്, സബ് ഇന്‍സ്‌പെക്ടര്‍ ദീപു എന്നിവര്‍ ക്ലാസെടുത്തു. 103 മത്സ്യത്തൊഴിലാളികള്‍ പങ്കെടുത്തു.