ഫറോക്ക്: ബേപ്പൂര്‍ മണ്ഡലം എല്‍.ഡി.എഫ് സ്ഥാനാര്‍ഥി വി.കെ.സി മമ്മദ്‌കോയയുടെ തെരഞ്ഞെടുപ്പ് പര്യടനം മുന്നേറുന്നു. ഫറോക്ക് കോളജ്, രാമനാട്ടുകര മേഖലകളിലാണ് ഇന്നലെ പര്യടനം നടന്നത്. കൊറ്റമംഗലം, തുമ്പപ്പാടം, പോസ്റ്റ് ഓഫിസ്, ചിറക്കാംകുന്ന്, നെല്ലിക്കാട്ട്കാവ്, കാട്ടാമ്പലം, വൈദ്യരങ്ങാടി എന്നിവിടങ്ങളില്‍ സ്ഥാനാര്‍ഥിക്ക് ഉജ്വല സ്വീകരണമാണ് ലഭിച്ചത്. വിവിധ കക്ഷിനേതാക്കളായ പിലാക്കാട് ഷണ്‍മുഖന്‍, ബഷീര്‍ കുണ്ടായിത്തോട്, സി അനീഷ്‌കുമാര്‍, പൊറ്റത്തില്‍ ബാലകൃഷ്ണന്‍, ഷൈലജ, കലാം കടുവാനത്ത്, രാജന്‍ പുല്‍പ്പറമ്പില്‍, സുധീഷ് തുടങ്ങിയവര്‍ വിവിധ സ്വീകരണ കേന്ദ്രങ്ങളില്‍ സംസാരിച്ചു. ബേപ്പൂര്‍ മണ്ഡലത്തിലെ പ്രചാരണത്തിന്റെ ഭാഗമായി സി.ഐ.ടി. യു അഖിലേന്ത്യാ ജനറല്‍ സെക്രട്ടറി തപന്‍സെന്‍ ചെറുവണ്ണൂരിലെ റാലിയില്‍ പ്രസംഗിച്ചു. ടി മൊയ്തീന്‍ കോയ അദ്ധ്യക്ഷനായി. പി. സി രാജന്‍, എം ഗിരിഷ് എന്നിവര്‍ സംസാരിച്ചു. ചാലിയത്ത് നടന്ന എല്‍.ഡി. എഫ് തെരഞ്ഞെടുപ്പ് റാലിയില്‍ റാലിയില്‍ മുഹമ്മദ് യൂസഫ് തരിഗാമി പ്രസംഗിച്ചു. മുരളി മുണ്ടങ്ങാട് അദ്ധ്യക്ഷനായി. കെ ഗംഗാധരന്‍ സംസാരിച്ചു.