അങ്കാറ: തുര്‍ക്കി തലസ്ഥാന നഗരത്തിന്റെ പ്രാന്തപ്രദേശത്ത് രണ്ട് ചാവേറുകള്‍ സ്‌ഫോടനത്തില്‍ കൊല്ലപ്പെട്ടു. നഗരത്തിലേക്ക് കടക്കാന്‍ കാര്‍ ബോംബുകളുമായെത്തിയ ചാവേറുകളെ പൊലിസ് തടഞ്ഞതോടെയാണ് സ്വയം പൊട്ടിത്തെറിച്ചത്. ഒരു സ്ത്രീയും പുരുഷനുമാണ് ചാവേറാക്രമണത്തിന് എത്തിയതെന്നാണ് പൊലിസ് പറയുന്നത്. അങ്കാറ നഗരത്തിന് പുറത്തുള്ള കുതിര ഫാമിന് സമീപമാണ് ചാവേറുകളായ സ്ത്രീയും പുരുഷനും കൊല്ലപ്പെട്ടതെന്ന് ഗവര്‍ണര്‍ എര്‍കാന്‍ ടൊപാക പറഞ്ഞു. നിരോധിക്കപ്പെട്ട കുര്‍ദിസ്ഥാന്‍ വര്‍ക്കേഴ്‌സ് പാര്‍ട്ടിയുമായി ബന്ധമുള്ളവരാണ് കൊല്ലപ്പെട്ട ചാവേറുകളെന്നാണ് സംശയിക്കുന്നത്.