കൊല്‍ക്കത്ത: കുപ്രസിദ്ധ കുറ്റവാളി ദാവൂദ് ഇബ്രാഹീമുമായി ബന്ധമുള്ള മലയാളികളായ രണ്ട് ആയുധധാരികള്‍ കൊല്‍ക്കത്തയില്‍ അറസ്റ്റിലായി. കൊല്‍ക്കത്ത പൊലിസിലെ ഗുണ്ടാവിരുദ്ധ സെല്ലാണ് വ്യാഴാഴ്ച ഇവരെ ഹൗറ പാലത്തിനടുത്തുനിന്നു പിടികൂടിയത്. പിടികൂടിയവരില്‍ ഒരാളുടെ പേര്‍ അബൂബക്കര്‍ സിദ്ദീഖാണെന്നു വ്യക്തമായതായി പൊലിസ് പറഞ്ഞു. രണ്ട് തോക്കുകളും മലയാളത്തിലുള്ള ചില രേഖകളും ഇവരില്‍നിന്നു കണ്ടെടുത്തിട്ടുണ്ട്. അറസ്റ്റു ചെയ്ത രണ്ടുപേരെയും പ്രത്യേക ദൗത്യസേനയും കൊല്‍ക്കത്ത പൊലിസും സംസ്ഥാന ഇന്റലിജന്‍സും ചോദ്യം ചെയ്തു.