മലപ്പുറം: എസ്.കെ.എസ്.എസ്.എഫ് വെസ്റ്റ് ജില്ലാ ഇന്റര്‍കോണ്‍ ഇന്നു രാവിലെ 9.30 മുതല്‍ വൈകിട്ട് അഞ്ചുവരെ വെട്ടിച്ചിറ മദ്‌റസയില്‍ നടക്കും. എസ്.വൈ.എസ് ജില്ലാ ഉപാധ്യക്ഷന്‍ സയ്യിദ് കെ.കെ.എസ് തങ്ങള്‍ വെട്ടിച്ചിറ ഉദ്ഘാടനം ചെയ്യും. സയ്യിദ് ഫഖ്‌റുദ്ദീന്‍ ഹസനി തങ്ങള്‍ അധ്യക്ഷനാകും.
ജില്ലാ, സംസ്ഥാന ഭാരവാഹികള്‍ സംബന്ധിക്കും. നമ്മുടെ പ്രസ്ഥാനം, എഫക്റ്റീവ് മീറ്റിങ് ആന്‍ഡ് ഓഫിസ് മാനേജ്‌മെന്റ്, ഡൈനാമിക് ലീഡര്‍ഷിപ്പ്, അല്‍ ഇഹ്‌സാന്‍ തുടങ്ങിയ വിഷയങ്ങളില്‍ ക്ലാസുകള്‍ക്കു ഹൈദറലി വാഫി ഇരിങ്ങാട്ടിരി, റഹീം ചുഴലി, അലി അസ്‌കര്‍ കരിമ്പ, ആസിഫ് ദാരിമി പുളിക്കല്‍ നേതൃത്വം നല്‍കും. തിരൂരങ്ങാടി, കോട്ടക്കല്‍, തിരൂര്‍, കുറ്റിപ്പുറം ഏരിയകളിലെ ജില്ലാ സബ് കമ്മിറ്റി ഭാരവാഹികള്‍, ഏരിയാ ഭാരവാഹികള്‍, മേഖലാ വര്‍ക്കിങ് സെക്രട്ടറി, ട്രഷറര്‍, ക്ലസ്റ്റര്‍ പ്രസിഡന്റ്, സെക്രട്ടറി, ട്രഷറര്‍ എന്നിവര്‍ പങ്കെടുക്കും.